MOLATEK Veevoer is ’n afdeling van Tsb Suiker wat sy hoofkantoor in die skilderagtige Onderbergvallei in die suidoostelike Laeveld het.  Tsb Suiker se belangrikste bedrywighede sluit in die vervaardiging van suiker by sy meulens op Malalane en Komatipoort en die verwerking van die neweprodukte van suikerriet, waaronder VEEVOERE.
In Oktober 1985 het Tsb Suiker begin met die vervaardiging van veevoer-konsentrate uit melasse en suikerrietpit onder die Handelsnaam MOLATEK.  Vandag word ’n omvattende reeks gevorderde konsentrate, lekke en energievoere vervaardig en bemark vir onder meer vleisbeeste, melkbeeste, kalwers, skape, bokke, perde en volstruise.
MOLATEK het na ’n beskeie begin sy mark uitgebrei en sy gehalteprodukte word nou met groot welslae deur boere in die hele SUID-AFRIKA, NAMIBIA en BOTSWANA gebruik.  Deeglike gehaltebeheer in ’n eie laboratorium verseker dat produkte van hoogstaande gehalte volgens voorgeskrewe spesifikasies vervaardig word.   MOLATEK probeer om voer komponente wat nie op die plaas beskikbaar is nie, in maklik mengbare vorm, naamlik in konsentrate, aan die produsent te verskaf.   Ander komponente, soos graan en ruvoer kan deur die boer self ingemeng word. Op die wyse kan die veeboer koste bespaar en ook beheer oor die gehalte van sy voer verkry. MOLATEK se melasse-gebaseerde konsentrate verseker smaaklikheid, voedsaamheid en voorkom stowwerigheid. Die hanteerbaarheid van sekere veevoerprodukte was nog altyd ’n probleem.  MOLATEK se melassevoere is egter besonders omdat dit maklik meng, ten spyte van die hoë melassevlakke.   Die goeie mengbaarheid van MOLATEK voere kan toegeskryf word aan die suikerrietpit, wat as draer gebruik word om melasse te absorbeer.             Deel 1 (Bladsy 1-18) Deel 2 (Bladsy 19-40) Deel 3 (Bladsy 41-63)