GROENWEIDING

PRO-16

 

 

PRO 16 bevorder inname wat krities is tydens die oorgangsfase. Dit verseker ook ekonomiese droëkoei-voorbereiding met die insluiting van anioonsoute om melkkoors tydens kalf te voorkom. PRO 16 bevat hoë vlakke van natuurlike proteïene en energie (9,5 MJ ME/kg), asook die unieke eienskap dat dit 'n groeibevorderaar bevat wat weidings-/ruvoervertering asook die energiebenutting daaruit, verbeter. PRO 16 is 'n uitstekende aanvulling vir die uitgroei van speenkalwers en -lammers op groenbemeste weidings.

 

  AANBEVOLE INNAME

Speenkalwers g/dag 1 000 - 2 000
Speenlammers g/dag 300 - 400

Aanwending van Molatek PRO 16 tydens die droë periode.

Laat toe vir 'n droë periode van 42–60 dae.

Eerste 21–40 dae

Gedurende die eerste 21–40 dae word 'n medium tot goeie kwaliteit ruvoer (hooi, weiding, kuilvoer, ens) ad lib voorsien. Gedurende hierdie stadium is die gebruik van ruvoere wat laag in kalium (K) is voordelig, maar nie krities nie. Handhawing van kondisie is hier belangrik. Koeie wat in 'n swak kondisie opdroog kan addisionele voeding ontvang. Verskaf 1,5–2 kg Molatek PRO 16 per koei per dag.

Laaste 2–3 weke voor kalf (Opstoom)

Tydens die laaste drie weke, moet goeie kwaliteit ruvoer, met 'n lae K-inhoud ad lib verskaf word. Inname van K en NaCl (sout) moet tot die minimum beperk word.

 
  BACKGROUND 18
 

Background 18 is 'n uitstekende hoëkwaliteit-proteïen- en hoë-energieproduk wat by uitstek geskik is vir die uitgroei en moontlike afronding van jong diere asook die "backgrounding" van voerkraalkalwers op goeie kwaliteit groenweidings. Dié produk kan ook met groot sukses aangewend word vir onder andere lakterende koeie, die uitgroei van verse, eerstekalfverse en Fase D-bulle op goeie kwaliteit groenweidings. Background 18 bevat medikamente om voeromset en groei te verbeter.

  AANBEVOLE INNAME

BEESTE g/dag 1 000 – 2 000
SKAPE g/dag 300 – 400